
தமிழ் தேசிய மாவீரர் நாள் – 2026
நவம்பர் 21 – நவம்பர் 27 | மாவீரர் வாரம்
உணர்வோடும் உரிமையோடும் ஒன்றிணைவோம்!
தமிழ் தேசிய மாவீரர் நாள் – நவம்பர் 27, 2026 நிகழ்வுகளைத் தாயகத்திலும் சர்வதேசப் பரப்பிலும் உணர்வுபூர்வமாகவும் எழுச்சியுடனும் நினைவுகூர்வதற்கான ஏற்பாடுகள் முன்னெடுக்கப்பட்டு வருகின்றன.
அந்த வகையில், இராணுவத்தினரால் விடுவிக்கப்பட்ட வித்துடல்கள் அமைந்துள்ள எமது தேராவில் மாவீரர் துயிலும் இல்லப் பகுதியில், ஆண்டுதோறும் நினைவேந்தல் நடைபெறும் இடத்தில் வழமைபோன்று இம்முறையும் மாவீரர் நாள் நினைவேந்தல் நிகழ்வுகளை ஏற்பாடு செய்து வருகின்றோம் என்பதை அனைவரும் அறிவீர்கள்.
எதிர்வரும் நவம்பர் 21ஆம் திகதி தொடக்கம் நவம்பர் 27ஆம் திகதி வரை மாவீரர் வாரம் அனுஷ்டிக்கப்படவுள்ள நிலையில், இந்நிகழ்வுகள் சிறப்பாகவும் உணர்வுபூர்வமாகவும் நடைபெறுவதற்கு அனைவரினதும் ஒத்துழைப்பும் பங்களிப்பும் அவசியமாகின்றது.
எனவே,
🌺 மாவீரர்களின் பெற்றோர்கள் மற்றும் உறவினர்கள்
🌺 முன்னாள் போராளிகள்
🌺 தமிழ் தேசிய உணர்வாளர்கள்
🌺 கிராம மட்டத்திலுள்ள பொது அமைப்புகளின் பிரதிநிதிகள்
🌺 வர்த்தகர் சங்கத்தினர்
🌺 விளையாட்டுக் கழகங்கள்
🌺 மதகுருமார்கள்
🌺 ஊடகவியலாளர்கள்
🌺 நன்கொடையாளர்கள் மற்றும் சமூக ஆர்வலர்கள்
உள்ளிட்ட அனைவரையும் இந்நினைவேந்தல் நிகழ்வில் உணர்வுபூர்வமான பங்காளர்களாக இணைந்து, தங்களால் இயன்ற ஒத்துழைப்பையும் பங்களிப்பையும் வழங்கி நிகழ்வுகளைச் சிறப்பிக்குமாறு தேராவில் மாவீரர் துயிலும் இல்லப் பணிக்குழுவினராகிய நாம் அன்புரிமையுடன் அழைப்பு விடுக்கின்றோம்.
எமது நினைவுகள் என்றும் உயிர்ப்புடன் இருக்கட்டும்!
ஒன்றிணைவோம்! பங்களிப்போம்! நினைவுகூர்வோம்!
பணிக்குழு நிர்வாகம்
தேராவில் மாவீரர் துயிலும் இல்லம்


