பாரிசு லாச்சப்பலில் யாழ். குடும்பஸ்தர் தொடருந்தில் பாய்ந்து உயிர்மாய்ப்பு!

பிரான்சின் பாரிசு லாச்சப்பல் பகுதியில் நேற்றிரவு இரண்டு பிள்ளைகளின் தந்தை ஒருவர் தொடருந்தில் பாய்ந்து உயிரைமாய்த்துள்ளார்.

யாழ்ப்பாணம் மண்டைதீவுப் பகுதியைச் சேர்ந்த குறித்த குடும்பஸ்தர் குடும்பத்துடன் பிரான்சில் வாழ்ந்து வந்துள்ளார். நேற்று 20.12.2024 வெள்ளிக்கிழமை இரவு 10:00 மணியளவில் அவர் அதிவேகமாக செல்லும் தொடருந்தில் பாய்ந்ததிலேயே உயிரிழந்ததாகத் தெரிவிக்கப்படுகின்றது.

குறித்த சம்பவத்தில் நல்லையா சத்தியானந்தன் (வயது 62) என்ற இரண்டு பிள்ளைகளின் தந்தையே இவ்வாறு உயிரிழந்தார் எனத் தெரிவிக்கப்பட்டுள்ளது .

இச் சம்பவம் அப்பகுதியில் அதிர்ச்சியை ஏற்படுத்தியுள்ளது