யாழ்ப்பாணத்தில் நடைபெற்ற நான்காவது உலகத் தமிழாராய்ச்சி மாநாட்டில் படுகொலை செய்யப்பட்டவர்களின் 42 ஆவது ஆண்டு நினைவு தினம் இன்று அனுஷ்டிக்கப்பட்டுள்ளது. யாழ்.முற்றவெளியில் அமைந்துள்ள குறித்த நினைவாலயத்தில் தமிழரசுக்கட்சியின் ஏற்பாட்டில் இந்நிகழ்வு நடைபெறுகின்றமை குறிப்பிடத்தக்கது. 
இந்நிகழ்வில் தமிழரசுக் கட்சியின் தலைவரும், தமிழ்த் தேசியக் கூட்டமைப்பின் நாடாளுமன்ற உறுப்பினருமான மாவை சேனாதிராஜா அவர்கள் நினைவுச்சுடர் ஏற்றி, நினைவுத்தூபிக்கு மலர்மாலை அணிவித்தார். 
மேலும், இந்நிகழ்வில் வடமாகாணசபை அவைத்தலைவர் சி.வி.கே சிவஞானம், மற்றும் வடமாகாணசபை உறுப்பினர்களான கஜதீபன், சிவாஜிலிங்கம், பரம்சோதி ஆகியோரும் கலந்து கொண்டமை குறிப்பிடத்தக்கது.
