வலிகாமம் வடக்கில் 5500 ஏக்கர் நிலம் இன்னமும் உயர்பாதுகாப்பு வலயப் பகுதியாக உள்ளது. மேலும் வலிகாமம் கிழக்குப் பகுதி முழுமையாக விடுவிக்கப்பட்டுள்ளதாகத் தெரிவிக்கப்படுகின்றது.
புதிய அரசாங்கம் ஆட்சிப் பொறுப்பை எடுத்ததைத் தொடர்ந்து வளலாய் ஜே/284 கிராம அலுவலர் பிரிவில் 233 ஏக்கர் காணியும், 2015 ஆண்டு மார்ச் மாதம் 23ஆம் திகதி ஜே/252 பலாலி தெற்கில் 120 ஏக்கர், ஜே/244 வயாவிளான் கிழக்கு 77 ஏக்கரும், மூன்றாம் கட்டமாக ஏப்ரல் 10 ஆம் திகதி ஜே/235 காங்கேசன்துறை தெற்கு 109 ஏக்கரும், ஜே/236 பளை வீமன்காமம் வடக்கு 55 ஏக்கர், ஜே/237 பளை வீமன்காமம் தெற்கு 99.8 ஏக்கர், ஜே/238 கட்டுவன் 9 ஏக்கர் , ஜே/240 தென் மயிலை 26 ஏக்கர், ஜே/241 வறுத்தலைவிளான் 119 ஏக்கர், ஜே/250 தையிட்டி தெற்கு 17 ஏக்கர், ஜே/252 பலாலி தெற்கு 26 ஏக்கர், வளலாய் 1679 ஏக்கர் விடுவிக்கப்பட்டுள்ளதுடன்,
கடந்த வாரம் காங்கேசன்துறை தெற்கு 26.73 ஏக்கர், மையிட்டி வடக்கு 8.3 ஏக்கர், பளை வீமன்காமம் வடக்கு 6 ஏக்கர், வறுத்தலைவிளான் 8 ஏக்கர், பலாலி தெற்கு 39.67 ஏக்கர், பலாலி வடக்கு 64.73 ஏக்கர், பலாலி கிழக்கு 159.49 ஏக்கர், தையிட்டி தெற்கு 180 ஏக்கர், வளலாய் 210 ஏக்கர் காணிகள் விடுவிக்கப்பட்டுள்ளன.
வலிகாமம் கிழக்கு முழுமையாக விடுவிக்கப்பட்டுள்ளதாகத் தெரிவிக்கப்பட்டுள்ள வேளை வலிகாமம் வடக்கில் சுமார் 5 ஆயிரத்து 600 ஏக்கர் விடுவிக்கப்பட வேண்டியுள்ளதாகத் தெரிவிக்கப்படுகின்றது.
விடுவிக்கப்பட்ட இடங்களில் சுமார் 26 வருடங்களுக்கு மேலாக மக்கள் இல்லாத இடமாக உள்ளமையினால் கிணறுகள், பொதுக்கட்டடங்கள் மற்றும் ஒருசில மின்சார தூண்களை வைத்தே அடையாளம் காணவேண்டியுள்ளதாக பொது மக்கள் தெரிவிக்கின்றனர்.
