பாகிஸ்தான் பிரதமர் நவாஸ் ஷெரிப் மூன்று நாள் உத்தியோகபூர்வ விஜயமொன்றை மேற்கொண்டு இன்று திங்கட்கிழமை இலங்கை வருகிறார்.
இன்று கட்டுநாயக்க விமான நிலையத்தை வந்தடையும் பாகிஸ்தான் பிரதமர் நவாஸ் ஷெரிப் மற்றும் பேகம் கல்ஸும் ஷெரிப் அம்மையார் ஆகியோரை ரணில் விக்கிரமசிங்க வரவேற்கவுள்ளார்.
இலங்கை விஜயத்தின் போது பாகிஸ்தான் பிரதமர் மைத்திரிபால சிறிசேன, ரணில் விக்கிரமசிங்க உள்ளிட்ட பல்வேறு தரப்பினருடன் பேச்சுவார்த்தை நடத்தவுள்ளதுடன் இலங்கைக்கும்-பாகிஸ்தானுக்குமிடையிலான இருதரப்பு உறவை வலுப்படுத்துவது தொடர்பிலும் விரிவாக ஆலோசனை நடத்தவுள்ளார்.
அத்துடன் இந்த விஜயத்தின் போது இலங்கைக்கும் பாகிஸ்தானுக்குமிடையில் சில உடன்படிக்கைகளும் கைச்சாத்திடப்படவுள்ளதுடன் பாகிஸ்தான் பிரதமர் கண்டி தலதாமாளிகைக்கும் விஜயம் செய்யவுள்ளார்.
இன்று இலங்கை வரும் பாகிஸ்தான் பிரதமருக்கான உத்தியோகப்பூர்வ வரவேற்பு வைபவம் ஜனாதிபதி செயலகத்தில் இடம்பெறவுள்ளதுடன் அவருக்கு இராணுவ அணிவகுப்பு மரியாதையும் அளிக்கப்படவுள்ளது.
