பிரான்சு தமிழ்ச்சோலைத் தலைமைப்பணியகத்தினால் நடாத்தப்பட்ட திருக்குறள் திறன் போட்டியின் திணைக்கள மட்டத்திலான போட்டிகள் கார்ஜ் சார்சல் பகுதியில் இன்று (20.10.2024) ஞாயிற்றுக்கிழமை காலை 9:30 மணிக்கு அகவணக்கத்துடன் ஆரம்பமாகி சிறப்பாக நடைபெற்றது.
இப்போட்டியில் சுமார் 300 இற்கு மேற்பட்ட மாணவர்கள் மிக ஆர்வத்துடன் கலந்து சிறப்பித்திருந்தனர்.
பெரும் எண்ணிக்கையான பெற்றோர்களும் கலந்துகொண்டு தமது ஆதரவை வெளிப்படுத்தியிருந்தமையையும் காணமுடிந்தது.
இல்-து-பிரான்சு தமிழ்ச்சோலைகளுக்கான திணைக்கள மட்டத்திலான திருக்குறள் திறன் போட்டிகளில் ஆர்வத்துடன் பங்கேற்ற அனைவருக்கும் பாராட்டுகளையும்
மாணவர்களை வழிநடத்திய தமிழ்ச்சோலை நிர்வாகிகளுக்கும் ஆசிரியர்களுக்கும் பெற்றோருக்கும் தமது நன்றியையும் தமிழ்ச்சோலை தலைமைப் பணியகம் தெரிவித்துள்ளது.
இறுதிப் போட்டிகள், ஏற்கனவே அறிவிக்கப்பட்டவாறு எதிர்வரும் 27-10-2024 ஞாயிறன்று Salle Espace Colbert 227 rue Jules Ferry 92700 Colombes பகுதியில் நடைபெறவுள்ளது.
(பிரான்சு தமிழர் ஒருங்கிணைப்புக் குழு -ஊடகப்பிரிவு)
