வெற்றிகொண்ட நாட்டை பின்தள்ள ஒருபோதும் இடமளிக்கமாட்டேன். தேசத்தை கட்டியெழுப்பும் பல எதிர்பார்ப்புக்களை கொண்ட புது வருட பிறப்பை வரவேற்கிறேன். அத்தகைய பிரார்த்தனையுடனும் வெற்றிகொள்ளும் தியாகத்துடனும் புது வருடத்தில் காலடி எடுத்து வைப்பது பெரும் அதிர்ஷ்டமாகும் என ஜனாதிபதி மஹிந்த ராஜபக்ஷ விடுத்துள்ள புத்தாண்டு வாழ்த்துச் செய்தியில் தெரிவித்துள்ளார்.
அந்த வாழ்த்துச் செய்தியில் மேலும் தெரிவிக்கப்பட்டுள்ளதாவது, கடந்து சென்ற வருட ஆரம்பங்களில் நமது பிரார்த்தனை ஒவ்வொன்றையும் நிறைவேற்ற எம்மால் முடிந்தது. கடந்து பத்து வருடத்தில் பிரதேசத்தை கட்டியெழுப்ப எம்மால் முடிந்தது. நாட்டை பாதுகாப்பதே எமது பாரிய பொறுப்பாகும். அதனை நிலைநாட்டுவதில் பாரிய சவால்களுக்கு எமக்கு முகங்கொடுக்க வேண்டியுள்ளது.
பெரும் தியாகத்துடன் தோற்கடிக்கப்பட்ட இனவாதம் மீளவும் வேறு விதமாக தலை நிமிர்ந்து வருகிறது. இனவாதத்தை போஷிப்பதற்கு துணையாக உள்ள வைராக்கியமான அரசியலில் இருந்து விடுபடுவதே எமது பிரார்த்தனையாக இருக்க வேண்டும். தேசிய ஒற்றுமையை கொண்டு நாட்டின் தனித்துவத்தை போற்றும் ஐக்கிய தேசத்தை உருவாக்க வேண்டும்.
பொறுப்புடனும் எவரும் அதிர்ஷ்டத்துடன் வெற்றி கொண்ட நாட்டை பாதுகாத்து உலகை வெற்றி கொள்வதே எமது பிரார்த்தனை. இவ்வருட பிறப்பை தேசத்தின் வெற்றிமிகு வருடமாக மாற்ற நாட்டு மக்கள் அனைவருக்கும் தைரியம் ஏற்பட வேண்டும் என பிராத்திக்கிறோம்.
