தனது மச்சானின் மரணச் சடங்குக்கு பருத்தித்துறை சூப்பர் மடம் மயானத்தில் கடந்த 5 ஆம் திகதி இறுதிக கிரியைகளை செய்து விட்டு அல்வாய் கிழக்கு பெரியார் பகுதியில் உள்ள வீட்டுக்கு உந்துருளியில் திரும்பிய போது வியாபாரிமூலை பகுதியில் எதிரே வந்த உந்துருளி மோதிய விபத்தில் ஐந்து பிள்ளைகளின் தந்தை படுகாயமடைந்தார்.
பருத்தித்துறை ஆதார வைத்திய சாலையில் குறித்த நபர் சிகிச்சைக்காக அனுமதிக்கப்பட்டு மேலதிக சிகிச்சைக்கென யாழ் போதனா வைத்தியசாலையில் அனுமதிக்கப்பட்டு சிகிச்சை பலனின்றி இன்று செவ்வாய்க்கிழமை காலை உயிரிழந்துள்ளார் .
சம்பவத்தில் அல்வாய் கிழக்கு பெரியார் பகுதியைச் சேர்ந்த சுப்பிரமணியம் சிவபாதசுந்தரம் வயது 79 என்ற ஐந்து பிள்ளைகளின் தந்தையே உயிரிழந்துள்ளார் .
சடலம் உடற்கூற்று பரி சோதனைக்காக பருத்தித்துறை ஆதார வைத்திய சாலையில் வைக்கப்பட்டுள்ளது மேலதிக விசாரணைகளை பருத்தித்துறை காவல்துறையினர் மேற்கொண்டு வருகின்றனர்.
