பிரான்சு பாரிசு18 லாச்சப்பல் பகுதியில் அமைந்துள்ள சோதியா கலைக் கல்லூரியில் 2023/2024 கல்வி ஆண்டு நிறைவு நிகழ்வு கடந்த (23.06.2024) ஞாயிற்றுக்கிழமை பிற்பகல் கல்லூரியின் பிரதான மண்டபத்தில் இடம்பெற்றது.
பிரதம நிர்வாகி திரு.செல்வகுமார் தலைமையில் இடம்பெற்ற இந்நிகழ்வு அகவணக்கத்தோடு ஆரம்பமானது. திருக்குறள் போட்டிகளில் வெற்றிபெற்ற மாணவர்களுக்கும் தமிழ்மொழி பொதுத்தேர்வு மாணவர்களுக்கும் சான்றிதழ்கள்,வெற்றிக் கிண்ணங்கள் வழங்கி மதிப்பளிக்கப்பட்டது. மாணவர்களுக்கான மதிப்பளித்தலை தமிழ்ச்சோலை தலைமைப் பணியகத்தின் சார்பில் கலந்துகொண்ட திரு.காணிக்கைநாதன் அவர்களோடு, சோதியா கலைக்கல்லூரியின் ஆசிரியர்கள், பிரதம நிர்வாகி திரு.செல்வகுமார், ஏனைய நிர்வாகிகள் ஆகியோர் வழங்கியிருந்தனர்.
நிகழ்வில் உரையாற்றிய திரு.காணிக்கைநாநன் அவர்கள் பள்ளியின் ஆரம்பகால செயற்பாடுகள் பற்றி குறிப்பிட்ட அதேவேளை, தொடர்ந்து மேலும் சிறப்பாக பயணிக்கவேண்டும் என்றும் கேட்டுக்கொண்டார்.
தொடர்ந்து மாணவர்களின் கலைநிகழ்வுகளும் இடம்பெற்றிருந்தன.
கலந்துகொண்ட அனைவருக்கும் சிற்றுண்டிகள் குளிர்பானங்கள் பரிமாறப்பட்டன.
புதிய கல்வி ஆண்டில் நாம் அனைவரும் சிறப்பாகப் பயணிப்போம் அதற்கு அனைவரின் ஒத்துழைப்பும் அவசியம் என பிரதம நிர்வாகி கேட்டதற்கு அமைவாக பெற்றோரும் மகிழ்வோடு உரையாடி நிகழ்வு நிறைவுகண்டது.
