தமிழர் ஒருங்கிணைப்புக்குழு பிரான்சு தமிழர் கலைபண்பாட்டுக் கழகம் நடாத்தும் இசைவேள்வி-2024 கர்நாடக சங்கீத இசைத்திறன் போட்டிகள் இரண்டாவது நாளாக நேற்று (22.06.2024) சனிக்கிழமை பொண்டி பகுதியில் சிறப்பாக இடம்பெற்றுள்ளன.
இந்நிகழ்வில் மாவீரர் பொதுப்படத்திற்கான ஈகைச்சுடரினை 23.10.2008 அன்று ஆனையிறவுப்பகுதியில் குறிசூட்டுத் தாக்குதலில் வீரச்சாவடைந்த லெப்.கேணல் நித்திலன் அவர்களின் சகோதரி ஏற்றிவைத்து மவர்வணக்கம் செலுத்தினார்.
அகவணக்கத்தைத் தொடர்ந்து போட்டிகள் சிறப்பாக ஆரம்பிக்கப்பட்டன.
இன்றைய நாளின் போட்டிகளின் நடுவர்களாக
குரலிசை வயலின் ஆசிரியர் திருவாட்டி சுபாஜினி கிருபாகரன் , குரலிசை ஆசிரியர் திருவாட்டி சிவகௌரி கணானந்தன், தண்ணுமை ஆசிரியர் திருமிகு கனகசபாபதி சியோன், ஆகியோர் கலந்து சிறப்பித்தனர்.
இப்போட்டிகள் கடந்த 15.06.2024 சனிக்கிழமை ஆரம்பமாகி நேற்று 22.06.2024 சனிக்கிழமை இரண்டாம் நாள் போட்டிகள் இடம்பெற்ற அதேவேளை இன்று 23.06.2024 ஞாயிற்றுக்கிழமை முன்றாவது நாளாக பொண்டிப் பகுதியில் காலை 9.00 மணிக்கு ஆரம்பமாகி இடம்பெறுகின்றது.
மூன்றுநாட்களும் போட்டி நடைபெறும் இடம்: 08 Rue de la philosophie, 93140 Bondy. (RER / E Bondy – BUS (303) les marnaudes,Tram (4) les coquetiers)
