பிரான்சில் தமிழீழ விடுதலைப் புலிகளின் மூத்த உறுப்பினர் விநாயகம் அவர்களின் இறுதிவணக்க நிகழ்வு இன்று (20.06.2024) வியாழக்கிழமை மிக உணர்வுபூர்வமாக இடம்பெற்றது.
தமிழீழ விடுதலைப்புலிகளின் மூத்த உறுப்பினரும், முதுநிலைப் போராளியுமாகிய விநாயகம் (கதிர்காமசேகரம்பிள்ளை விநாயகமூர்த்தி ) அவர்கள் கடந்த (04.06.2024 ) செவ்வாய்க்கிழமை அன்று உடல் நலக்குறைவு காரணமாக பிரான்சு தேசத்தில் சாவடைந்தார்.
தமிழீழ தேச மக்களின் மனதில் இடம் பிடித்து நிலைத்துவிட்ட இவருக்கு மக்கள் இறுதி வணக்கம் செலுத்துவதற்காக இன்று (20.06.2024) வியாழக்கிழமை காலை 10.00 மணிமுதல் பகல் 14.00 மணிவரை Espace Venise 30 Rte de Groslay 95200 Sarcelles என்னும் முகவரியில் இவரின் புகழுடல் வைக்கப்பட்டதைத் தொடர்ந்து உறவினர்கள், பல கட்டமைப்புகளின் உறுப்பினர்கள், பொதுமக்கள் எனப் பெரும் எண்ணிக்கையானோர் திரண்டு கண்ணீர் அஞ்சலி செலுத்தியதுடன் தமது இரங்கலைத் தெரிவித்திருந்தனர்.
புகழுடலுக்கு தமிழீழ தேசியக்கொடி போர்த்தப்பட்டு மதிப்பளிக்கப்பட்டது.
மாலை 15.00 மணிக்கு புகழுடலானது Cimetiére Parisien de Pantin 164 Av. Jean jaurés 93500 Pantin என்னும் முகவரியில் நல்லடக்கம் செய்யப்பட்டது.
(மேலதிக விவரங்கள் பின்னர் வெளியிடப்படும்)
