தமிழ் மக்களின் உணர்வுகள், எண்ணங்கள், தேவைகளை அறிவதற்கு தமிழ் தேசிய கூட்டமைப்பினருடனும் வட மாகாண சபையினருடனும் கலந்தாலோசித்து நல்லதொரு அரசியல் தீர்வை தமிழ்
மக்களுக்கு வழங்க வேண்டும் என்று எதிரணியின் பொதுவேட்பாளர் மைத்திரிபால சிறிசேன தலைமையிலான குழுவினரிடம் மன்னார் ஆயர் இராயப்பு ஜோசப் ஆண்டகை வலியுறுத்தியுள்ளார்.
தமிழ் மக்களும் மைத்திரிக்கே
வாக்களிக்க விருப்பம் கொண்டு இருப்பதாகவும் அவர் மேலும் தெரிவித்தார்
ஐனாதிபதிக்கான தேர்தல் பிரசாரத்தை முன்னிட்டு எதிரணியின் பொது வேட்பாளர் மைத்திரிபால சிறிசேனாவை ஆதரித்து நடத்தப்பட்ட தேர்தல் பிரசாரக் கூட்டத்தில் பங்கேற்பதற்காக மன்னாருக்கு நேற்று செவ்வாய்கிழமை எதிரணித் தலைவர்கள் வந்திருந்தனர்.
ஐனாதிபதி வேட்பாளர் மைத்திரிபால சிறிசேன, முன்னாள் அமைச்சர்களான ரிஷாத் பதியுதீன், ராஜிதசேனாரத்ன மற்றும் அமரர் ஐயலத் ெஐயவர்த்தனவின் மகன் வைத்தியகலாநிதி காபிந்த ெஐயவர்த்தன, ரவி கருணாயக்க எம்.பி. , ஜ.ம.மு.தலைவர் மனோ கணேசன் ஆகியோர் கொண்ட குழு ஆயரை ஆயர் இல்லத்தில் சந்தித்தது.
இந்தச் சந்திப்பில் இடம்பெற்ற கருத்தமர்வில் அருட்பணியாளர்கள் முக்கயஸ்தர்கள் கலந்து கொண்டபோதும் ஊடகவியலார்கள் உட்செல்ல அனுமதிக்கப்படவில்லை.
இருந்தபோதும் இவர்களின் சந்திப்பைத் தொடர்ந்து மன்னார் ஆயர் இராயப்பு யோசேப் ஆண்டகை ஊடகங்களுக்கு தெரிவித்ததாவது்
ஐனாதிபதி தோ்தலில் பங்கு பற்றுகின்ற மைத்திரிபால சிறிசேனா அவர்களின் கட்சியினரும் அவர்களின் உதவியாளர்களும் இங்கு வந்தார்கள் இதன் நோக்கம் என்னவென்றால் தமிழ் மக்களின் ஆதங்களை அறிந்து கொள்வதற்காகவேயாகும்.
ஏனென்றால் அவர்கள் கூட்டம் வைக்கும்போது தமிழ் மக்களின் கருத்துக்களைப் பெறுவதற்கு அவர்களுக்கு நேரம் இன்மையாலும் அத்துடன் அவர்கள் தங்கள் கருத்தக்களை சொல்லி விட்டு சென்று விடுவார்கள் என்பதால் என்னுடன் பேசுவதற்காக இங்கு வருகை தந்திருந்தார்கள்.
அவர்களுடன் மக்களின் முக்கியப் பிரச்சனைகளை பிறகு பேசித் தீர்த்துக் கொள்ளளாம். இருந்தும் அதைப்பற்றி பேசவேண்டிய விடயங்கள் தொடர்பில் நாங்கள் கலந்துரையாடினோம்.
இந்த நாடு பல இனங்கள் கொண்ட நாடு அத்துடன் பல சமயங்கள் கொண்ட நாடு ஆனால் ஒரே மக்கள் ஒரே நாடு என்று சொல்லிக் கொண்டு இருக்கின்ற இந்த ஆட்சியில் துன்பங்களை தாங்கிக் கொண்டிருக்கும் தமிழ் மக்களின் கருத்துக்கள் அவர்களின் சிந்தனைகளுக்கு வருவதில்லை.
மாறாக தமிழ் மக்களுக்கான எதிர்ப்பு உணர்வுகளையே இந்த அரசிடமிருந்து நாங்கள் சந்தித்துள்ளோம். அத்துடன் இவ்வாறான இடர்களை கேட்டறிந்து நிவர்த்தி செய்ய எவரும் முன்வரவில்லை.
தமிழ் மக்களுக்கு உதவி செய்தால் சிங்கள மக்கள் தங்களுக்கு நெருக்கடிகளை கொடுப்பார்கள் என ஒரு மாயையில் அவர்கள் சிக்குண்டு இருந்தார்கள். தழிழ் மக்களும் சிங்கள மக்களும் ஒரே நாட்டு மக்கள் அனைவரும் சமரசமாக ஒன்று பட்டு வாழவேண்டியவர்கள் அப்படித்தான் நாங்கள் இப்பொழுதும் வாழ்ந்து கொண்டு இருக்கின்றோம்.
ஆனால் சிங்களப் பகுதிகளில் தமிழ் மக்களைப்பற்றி தவறான எண்ணக் கருத்துக்களையும் சிந்தனைகளையும் சிங்கள மக்களிடம் அரசியல்வாதிகள் வழங்கிவருகின்றனர்.
ஆனால் தமிழ் மக்கள் அவ்வாறு சிந்திக்கவில்லை ஏனென்றால் ஒரு துன்பம் நேருடுமாகில் அது தமிழ் மக்களுக்கும் சிங்கள மக்களுக்கும் ஒன்றுதான்.
ஆகவே இந்த ஒரே நாட்டிலுள்ள அரசில் பிரச்சனைகளை தீர்த்து வைக்கப்பட வேண்டும். தமிழ் ஈழத்தை தவிர தமிழ் மக்களுக்கு எல்லாம் தருவேன் என இவ் அரசியல் வாதிகள் சொல்லிக்கொண்டு இருந்தார்கள் ஆனால் எங்களுக்கு ஒன்றும் தரவில்லை எங்களுக்கு ஈழம் தேவையில்லை மாறாக நாங்கள் சுய மரியாதையோடு வாழும் மக்களாக இருக்க வேண்டும்.
ஆகவே பல இனம் மொழி சமயம் கொண்ட இந்த நாட்டில் தமிழ் மக்கள் அறுபது நூறு ஆண்டுகளுக்கு மேலாக தங்கள் உரிமைகளை அரசியல் ரீதியாகவும் அகிம்சை வழியாக கேட்டுக் கொண்டு இருக்கின்றார்கள் ஆனால் இவைகள் எல்லாம் ஆயுதங்கள் கொண்டு நசுக்கப்பட்டதொழிய வேறு எந்த பயனும் கிடைக்கவில்லை.
இதனால்தான் தமிழ் மக்களும் சிங்கள மக்களும் அனைவரும் ஒன்றினைந்து நாட்டை நல் வழியில் கொண்டு செல்வதற்கு அரசியல் தீர்வு மூலம் பிரச்சைனைகள் தீர்க்கப்பட வேண்டும் என நாங்கள் முனைந்தோம்.
இந்த நாடு இயற்கையிலே ஒரு அழகான நாடு இது இறைவன் எமக்கு தந்த பெருங்கொடை ஆனால் மனிதர்களோ இவற்றையும் மனிதத்தையும் அழிப்பதிலேதான் முனைந்து கொண்டு இருக்கின்றார்கள். ஆகவேதான் இதில் மாற்றம் பெற்று ஒரு புதிய நாடாக ஓர் அழகான இலங்கையாக இருக்க வேண்டும்.
இதைத்தான் நாங்கள் அடிக்கடி சொல்லிக் கொண்டு வருகின்றோம். தமிழ் மக்களுக்கு நீண்ட காலப் பிரச்சனைகள் இருக்கின்றன இதைப்பற்றி நாம் சிந்திக்கத் தேவையில்லை என அரசில்வாதிகள் இருக்க முடியாது அதைக் கேட்பவர்களையும் அவர்கள் தண்டிக்க முடியாது இவற்றைக் கேட்பவர்கள் தமிழ் பகுதியில்தான் இருக்கின்றார்கள் எனவும் சொல்ல முடியாது.
தமிழ் மக்களுக்கு ஒரு அரசியல் தீர்வு வழங்கப்பட வேண்டும் ஆகவே தமிழ் தேசிய கூட்டமைப்புடனும் வட மாகாண சபையிடனும் பேச்சு வார்த்தை நடத்தும்போதுதான் அவர்கள் தமிழ் மக்களின் பிரச்சனைகளை முன்கொண்டு வருவார்கள் அப்பொழுது எல்லோரும் ஒன்றினைந்து ஒரு தீர்வை பெறமுடியும் என்றுதான் பேசினோம்
இப்படியான காரியம் செய்யப்படுமாகில் அநீதிகளோ மக்கள் புறக்கணிப்போ இந்த நாட்டில் ஏற்படாது. மேலும் இந்த நாட்டில் போரினால் பாதிக்கப்பட்ட மக்கள் விதவைகள் உடலில் காயத்துடனும் குண்டுகளுடனும் இன்னும் மன அழுத்தத்துடன் இருக்கும் மக்களுக்கு எவ்வித நிவாரணமும் வழங்கப்படவில்லை
இதனை ஏன் இவர்கள் கவனத்துக்கு எடுக்கப்படவில்லையென்றால் தமிழர்களின் வாக்குகள் தங்களுக்கு தேவைப்படாது என்ற காரணமேயாகும்.
ஆனால் தற்பொழுது எதிரணியில் போட்டிடும் அமைப்பு அதன் வேட்பாளர் ஒரு பரந்த மனப்பாங்குடன் மட்டுமல்ல அவற்றை நல்ல செயல்பாட்டில் செயற்படுத்த வேண்டும் என கேட்டுக் கொண்டபோது அவர்களும் அதே மனப்பாங்குடன் இருப்பதாகவும் தெரிவித்தார்.
அத்துடன் இவர்களின் செயல்பாட்டிலும் விஞ்ஞாபனத்திலும் இவர்களின் நல் எண்ணங்கள் இருப்பதையும் எம் மக்கள் நன்கு அறிவார்கள் ஆகவே எமது தமிழ் மக்கள் எதிரணி பொது வேட்பாளருக்கு வாக்களிக்க இருக்கின்றனர்.
ஆகவே இவர்களின் நல்லெண்ணங்கள் செயல்பாடுகள் நல்ல முறையில் நடைபெற வாழ்த்தியதுடன் இந்த நாட்டில் ஒற்றுமையும் சமாதானமும் திகழ வாழ்த்தி அனுப்பினேன் என மன்னார் மறை மாவட்ட ஆயர் இராயப்பு யோசேப் ஆண்டகை தெரிவித்தார்
ஆயருடன் மன்னார் மறைமாவட்ட குரு முதல்வர் அருட்பணி ஏ.விக்ரர் சோசை அடிகளாரும் கூட இருந்தமையும் குறிப்பிடத்தக்கது.
