இஸ்ரேல் – ஹமாஸ் இடையேயான கடந்த அக்டோபர் 7 நாள் முதல் நடந்த போரில் உயிரிழந்தோர் எண்ணிக்கை 11,000 பேரைக் கடந்தது. இஸ்ரேல் மீது ஹமாஸ் நடத்திய தாக்குதலில் இதுவரை இஸ்ரேலியர்கள் 1,405 பேர் கொல்லப்பட்டுள்ளனர். 5,600 பேர் காயமடைந்தனர்.
இந்த தாக்குதலுக்கு பதிலடியாக பாலஸ்தீனத்தின் காசா முனை மீது இஸ்ரேல் நடத்தி வரும் வான்வழி, தரைவழி தாக்குதலில் இதுவரை 4,104 குழந்தைகள் மற்றும் 2,641 பெண்கள் உட்பட 10,022 பாலஸ்தீனியர்கள் உயிரிழந்துள்ளனர். காயமடைந்தவர்களின் எண்ணிக்கை 25,408 ஆக உயர்ந்துள்ளது.
அதேபோல், பாலஸ்தீனத்தின் மேற்குகரை பகுதியில் நடந்த மோதலில் இதுவரை 155 பேர் உயிரிழந்துள்ளனர். 2,100 பேர் காயமடைந்தனர்.
இதன் மூலம் இஸ்ரேல்-ஹமாஸ் இடையேயான போரில் உயிரிழந்தோர் எண்ணிக்கை 11,582 ஆக அதிகரித்துள்ளது.
