பிரான்ஸ் தலைநகர் பரிசில் வைத்து 26.10.1996 அன்று சிறீலங்கா அரச கைக்கூலிகளின் தாக்குதலில் வீரச்சாவைத் தழுவிக்கொண்ட தமிழீழ விடுதலைப் புலிகளின் அனைத்துலக நிதிப்பொறுப்பாளர் லெப்.கேணல் நாதன் மற்றும் ஊடகப்போராளியும் ஈழமுரசின் நிறுவன ஆசிரியருமான கப்டன் கஜன் ஆகியோரின் 27ஆம் ஆண்டு நினைவேந்தல் நிகழ்வு (26.10.2023) வியாழக்கிழமை பிரான்சில் இம் மாவீரர்களின் கல்லறை அமைந்துள்ள பந்தன் துயிலும் இல்லத்தில் இடம்பெற்றது.
ஆரம்ப நிகழ்வாக பொதுச்சுடரினை தமிழீழ செயற்பாட்டாளர் திருமதி.செல்வி அவர்கள் ஏற்றிவைத்தார்.
லெப்.கேணல் நாதன் கப்டன் கஜன் ஆகிய மாவீரர்களின் கல்லறைகளுக்கு லெப்.கேணல் நாதனின் கல்லறைக்கு நாதனின் உறவினரும் கப்டன் கஜனின் கல்லறைக்கு கஜனின் ககோதரர்களும் ஈகைச்சுடரேற்றி மலர் மாலை அணிவித்தனர்.
தொடர்ந்து நிகழ்வில் கலந்துகொண்ட அனைவரும் சுடர் ஏற்றி மலர்வணக்கம் செலுத்தினர்.
தமிழர் ஒருங்கிணைப்புக் குழு செெயற்பாட்டாளர் திரு.பாலசுந்தரம், நினைவுரை ஆற்றியிருந்தார்..
தமிழரின் தாகம் தமிழீழத் தாயகம் என்ற தாரக மந்திரத்துடன் நிகழ்வு நிறைவுகண்டது.
