அனைத்துலகத் தமிழ்க்கலை நிறுவகமும், தமிழ்ச்சோலைத்தலைமைப்பணியகமும் இணைந்து நடாத்திய தமிழ்க்கலைத்தேர்வு 2023 ( 08.10.2023) ஞாயிற்றுக்கிழமை காலை 9.30 மணிமுதல் மாலை 17.30 மணி வரை . . Maison des examens 7 Rue Ernest Renan 94110 Arcueil பரீட்சை தேர்வு மண்டபத்தில் சிறப்பாக நடைபெற்றது. காலை 9.30 மணிக்கு அகவணக்கத்துடன் ஆரம்பித்து நடனம், மிருதங்கம், வாய்ப்பாட்டு, வயலின், புல்லாங்குழல் போன்ற கலைப்பாடங்களுக்கான எழுத்துத் தேர்வு தரம் இரண்டிற்கும் அதற்கு மேற்பட்ட தரங்களுக்கும் நடைபெற்றது.
இத்தேர்வில் 400 வரையிலான மாணவர்கள் உற்சாகத்துடன் பங்குபற்றியிருந்தனர். கலை ஆசிரியர்கள், மற்றும் தமிழ்ச்சோலைத் தலைமைப்பணியக செயற்பாட்டாளர்கள் கட்டமைப்பினர் தமது செயற்பாடுகளையும், உதவிகளை வழங்கியிருந்தனர்.
வழமைபோல போக்குவரத்து இடையூறுகள் ஏற்பட்ட போதும் மாணவர்கள் பெற்றோர்கள் தமக்கான நேரத்தில் கலந்து கொண்டு ஒத்துழைப்புகளை நடத்துனர்களுக்கு வழங்கியிருந்தனர். இவர்களுக்கான செயல்முறைத் தேர்வுகள் 21 ஒக்ரோபர் முதல் 05 நவம்பர் வரை நடைபெறவுள்ளது என்பது குறிப்பிடத்தக்கது.
ஊடகப்பிரிவு – மக்கள் தொடர்பு – தமிழர் ஒருங்கிணைப்புக்குழு – பிரான்சு
