பிரான்சு கிறித்தல் தமிழ்ச்சோலையில் நேற்று 10.06.2023 சனிக்கிழமை பள்ளிமட்டத்திலான திருக்குறள் திறன் போட்டி நடைபெற்றது.
காலை 10.30 மணிக்கு தொடங்கி 15.30 மணிவரை நடைபெற்றது. 42 மாணவர்கள் இப்போட்டியில் பங்குபற்றியிருந்தார்கள். அதிபாலர் பிரிவு தொடக்கம் மேற்பிரிவு வரை போட்டி நடைபெற்றது. இதில் கலந்துகொண்ட மாணவர்கள்அதிகமாக சிறுவர்களாக இருந்தார்கள். இங்கு பிறந்து வளர்ந்துவரும் எமது இளம்சிறார்கள் தமிழ்மொழியை கற்று அதை அழகுதமிழில் சொல்லி தங்கள் திறமைகளை வெளிப்படுத்தியிருந்தார்கள்.
பெற்றோரும் ஆசிரியர்களும் அதிக அக்கறையோடு ஊக்குவிப்பு கொடுத்திருந்தார்கள்.ஒவ்வொரு பிரிவிலும் முதலாவதாக தெரிவானவர்கள் மாவட்ட மட்டத்திலான போட்டியில் பங்குபற்றுவார்கள். பள்ளிமட்டத்தில் பங்குபற்றிய மாணவர்கள் கிறித்தல் தமிழ்ச்சோலை பள்ளியின் ஆண்டுவிழாவில் மதிப்பளிக்கப்படுவார்கள்.
இதேவேளை பல தமிழ்ச்சோலை பள்ளிகளில் திருக்குறள் திறன் போட்டிகள் இடம்பெற்றமை குறிப்பிடத்தக்கது.
