யாழ்ப்பாணம் முட்டாஸ் கடை சந்தியில் இன்று பிற்பகல் இடம்பெற்ற கோர விபத்தில் இளைஞர் ஒருவர் சம்பவ இடத்திலேயே உயிரிழந்துள்ளார்.
குறித்த பகுதியில் உந்துருளியில் பயணித்து கொண்டிருந்தபோது அவர் மீது பின்னால் வந்த வாகனம் அவரது உந்துருளியை தட்டியுள்ளது.
இதனால் அவர் நிலை தடுமாறி கீழே விழுந்துள்ளார்.
இந்நிலையில் பின்னால் வேகமாக வந்த பாரவூர்திச் சக்கரம் அவரது தலைக்கு மேல் ஏறியதில் தலை சிதைந்து சம்பவ இடத்திலே உயிரிழந்துள்ளார்.
மீசாலை கிழக்கைச் சேர்ந்த இராசரத்தினம் அபிதாஸ் (வயது 28) என்ற இளைஞரே இந்த விபத்தில் உயிரிழந்தவராவார்
விபத்து சம்பவம் தொடர்பாக மேலதிக விசாரணைகளை யாழ்ப்பாணம் காவல்துறையினர் மேற்கொண்டு வருகின்றனர்.
