பிரான்சு நாட்டின் 94 மாவட்டப்பிரிவு காவல்துறை ( காவல்துறை துறையின் அனைத்து பிரிவுகளின் தெரிவு அணி உதைபந்தாட்ட வீரர்களுக்கும், ஈழத்தமிழர் உதைபந்தாட்டச் சம்மேளனத்தின் தெரிவு அணி வீரர்களுக்கும் 18.04.2023 செவ்வாய் Chemin du Grand godet மைதானத்தில் சிநேகபூர்வமான உதைபந்தாட்டப்போட்டி நடைபெற்றது.
போட்டி ஆரம்பத்தில் இரண்டு தேசங்களும் தமது தேசியக்கொடியினை தாங்கியவண்ணம் கைகுலுக்கிக் கொண்டனர். போட்டிகள் விறுவிறுபாகவே நடைபெற்றது. இரண்டு அணிகளும் சளைக்காது ஆட்டத்தில் ஈடுபட்டனர். இறுதியில் பிரெஞ்சு காவல்துறை அணி மூன்று கோல்களையும், போட்டிருந்தனர். ஈழத்தமிழர் உதைபந்தாட்ட அணி நான்கு கோல்களையும் போட்டு வெற்றியை தமதாக்கிக் கொண்டனர்.
காவல்துறை உதைபந்தாட்ட வீரர்கள், ஒழுங்கமைப்பாளர்கள் சிறந்த முறையில் தமது உறவைப் பேணியதுடன் வெற்றிக்கிண்ணங்களும் வழங்கி மகிழ்வித்தனர். ஈழத்தமிழர்கள் சார்பில் தமிழர் ஒருங்கிணைப்புக்குழுப் பொறுப்பாளர், விளையாட்டுத்துறைப் பொறுப்பாளர், சம்மேளனத்தினர், நடுவர்கள் விளையாட்டுக்கழகத்தினர், ஆதரவாளர்கள் எனப்பலர் கலந்து கொண்டு சிறப்பித்திருந்தனர்.
