–
தமிழர் ஒருங்கிணைப்புக்குழு பிரான்சு, தமிழர் கலை பண்பாட்டுக் கழகத்தின் ஆதரவில் பிரான்சு தமிழ்ப் பெண்கள் அமைப்பினரால் 12 ஆவது ஆண்டாக வன்னிமயில் – 2023 தேச விடுதலைப் பாடல்களுக்கான நடனப் போட்டி முதல் நாள் நிகழ்வுகள் கடந்த 25 ஆம் (சனி), 26 ஆம் (ஞாயிறு), மற்றும் 27 ஆம் (திங்கள்) நாள்களில் பாரிசின் புறநகர்ப் பகுதியில் ஒன்றான புளோமெனில் பகுதியில் மிகவும் சிறப்பெழுச்சியாக இடம்பெற்று முடிந்த நிலையில் இன்று (04.03.2023) சனிக்கிழமை நான்காம் நாள் இறுதிப் போட்டிகள் ஒள்னே சுபுவா பகுதியில் சிறப்பாக ஆரம்பமாகியுள்ளன.
இன்று ஆரம்ப நிகழ்வாக மாவீரர் திரு உருவப்படத்திற்கு 26.06.1989 அன்று ஓமந்தைப் பகுதியில் இடம்பெற்ற மோதலில் வீரச்சாவடைந்த கப்டன் ரூபன் அவர்களின் சகோதரர் ஏற்றிவைத்து மலர்வணக்கம் செலுத்தினார். அகவணக்கத்தைத் தொடர்ந்து போட்டிகள் ஆரம்பமாகியுள்ளன.
இந்நிகழ்வில் Mme Keloua-Hachi, députée de la 8e circonscription de la Seine-Saint-Denis அவர்களும் கலந்து கொண்டு கருத்துக்களைப் பகிர்ந்து கொண்டார்.
தொடர்ந்து நாளை (05.03.2023) ஞாயிற்றுக்கிழமை ஒள்னே சுபுவா பகுதியில் ஐந்தாம் நாள் இறுதிப்போட்டிகள் நடைபெறவுள்ளன. இந்நிகழ்விலும் அனைவரையும் கலந்து சிறப்பிக்குமாறு கேட்கப்பட்டுள்ளது.
(பிரான்சு தமிழர் ஒருங்கிணைப்புக்குழு – ஊடகப்பிரிவு)
(படங்கள்: யூட், வினுயன்)
