கனடாவில் இருந்து தாயகம் வந்த இரு சகோதரர்கள் விபத்தில் பலி; இருவர் படுகாயம்!

கொழும்பு தெற்கு அதிவேக நெடுஞ்சாலையில் நேற்று முன்தினம் அதிகாலை இடம்பெற்ற விபத்தில் சிக்கி அம்பாறை-திருக்கோவில் பிரதேசத்தைச் சேர்ந்த ஒரே குடும்பத்தின் சகோதர்கள் இருவர் பரிதாபகரமாக உயிரிழந்துள்ளனர். அத்துடன் பெண்ணொருவர் உட்பட இருவர் படுகாயமடைந்துள்ளனர். இந்த விபத்து தொடர்பாக குடும்பத்தினர் தெரிவிக்கையில்,

கொழும்பு-பம்பலப்பிட்டியில் உள்ள சகோதரி சுகவீனமடைந்த நிலையில் அவரை சுகநலன் விசாரிப்பதற்காக கடந்த செவ்வாய்க் கிழமை மாலை 5 மணியளவில் திருக்கோவிலில் இருந்து அவர் களுடைய காரில் கொழும்பு நோக்கிப் பயணமாகியுள்ளனர்.இந்நிலையிலேயே கொழும்பு தெற்கு அதிவேக நெடுஞ்சாலை யில் இடம்பெற்ற விபத்தில் சிக்கி இரு சகோதரர்களும் உயிரிழந்துள்ளனர்.கனடாவில் இருந்து விடுமுறையைக் கழிப்பதற்காக வந்தி ருந்த திருக்கோவிலை பூர்வீகமாகக் கொண்ட தங்கராசா நாகசுந்தரம் (வயது-70) மற்றும் திருக்கோவிலைச் சேர்ந்த அவரது சகோதரர் தங்கராசா கேதாரவரதசுந்தரம் (வயது-74) ஆகியோரே இவ்வாறு உயிரிழந்தவர்கள் ஆவர். உயிரிழந்த நாகசுந்தரத்தின் மனைவி சாருமதி மற்றும் உயிரிழந்த கேதாரவரதசுந்தரத்தின் மகன் ஜசிகாந் ஆகிய இரு வரும் காயமடைந்துள்ளனர்.