சிறுவர்களை பாலியல் துஸ்பிரயோகத்திற்கு உட்படுத்தி கொலை செய்த குற்றவாளிகளுக்கு அதிகபட்ச தண்டனை வழங்கவேண்டும் மற்றும் சிறுவர் மீதான வன்முறைக்கு எதிராக கடுமையான சட்டங்கள் கொண்டுவரப்படவேண்டும் என வலியுறுத்தி வவுனியா பேரூந்து நிலையத்திற்கு முன் ஆர்ப்பாட்டமொன்று இடம்பெற்றுள்ளது.
இன்று புதன்கிழமை வவுனியா மாவட்ட அந்தணர் ஒன்றியம், சமூக நீதிக்கான வெகுஜன அமைப்பு, இலங்கை ஆசிரியர் சங்கம் மற்றும் வவுனியா நகர வரியிறுப்பாளர் சங்கம் என்பன ஒன்றிணைந்து இந்த ஆர்ப்பாட்டத்தை முன்னெடுத்திருந்தனர்.
இந்த ஆர்ப்பாட்டத்தில் வன்னி பாராளுமன்ற உறுப்பினர்களான சிவசக்தி ஆனந்தன், வைத்தியகலாநிதி சி.சிவமோகன், வட மாகாணசபை உறுப்பினர்களான ஜி.ரி.லிங்கநாதன், எம்.தியாகராசா, எம்.பி.நடராசா, இ.இந்திரராசா உட்பட அரசியல்கட்சிகளின் பிரமுகர்கள், பொது அமைப்புக்களின் பிரதிநிதிகள், பொதுமக்கள் என பலர் கலந்துகொண்டனர்.
