வரலாற்றுச் சிறப்புமிக்க வல்லிபுர ஆழ்வார் ஆலய வருடாந்த தேர்திருவிழா நேற்று சனிக்கிழமை சிறப்பாக இடம்பெற்றது.
அதிகாலை இடம்பெற்ற விசேட பூஜை வழிபாடுகளைத் தொடர்ந்து நண்பகல் 10.30 மணியளவில் தேர்திருவிழா இடம்பெற்றது.
இன்றைய தேர்திருவிழாவில் பெருமளவான பக்தர்கள் கலந்துகொண்டனர்.இன்று சமுத்திர தீர்த்தம் இடம்பெறவுள்ளது
தேர்திருவிழாவில் நகை திருட்டில் ஈடுபட்ட 5 பெண்கள் உள்ளிட்ட 7 பேர் கைது செய்யப்பட்டுள்ளனர்.
கைது செய்யப்பட்டுள்ளவர்களில் 3 பேர் இந்திய பிரஜைகள் என பொலிஸ் ஊடகப் பிரிவு குறிப்பிட்டுள்ளது.
ஏனைய நால்வரும் சிலாபம் மற்றும் நீர்கொழும்பு பகுதிகளை சேர்ந்தவர்களாவர்.
திருட்டிற்கு பயன்படுத்திய வான் ஒன்றும் பொலிஸாரால் கைப்பற்றப்பட்டுள்ளது.
சந்தேகநபர்களால் திருடப்பட்ட 20 தங்க சங்கிலிகளும் 04 தங்கப் பென்டன்களும் பொலிஸாரால் பறிமுதல் செய்யப்பட்டுள்ளது.
சம்பவம் தொடர்பில் பருத்திதுறை பொலிஸார் மேலதிக விசாரணைகளை மேற்கொண்டுவருகின்றனர்.
