யாழ்ப்பபாணம் வடமராட்சி கிழக்கு கட்டைக்காடு கப்பலேந்தி மாதா ஆலயத்தில், மாதா சொரூபத்திற்கு அணிவிக்கப்பட்ட ஐம் பொன்னாலான நகைகள் திருட்டுப் போயுள்ளன. ஆலயத்தின் வருடாந்த பெருவிழா கடந்த 14ம் 15ம் திகதிகளில் இடம்பெற்றது. அதிகளவான பக்தர்கள் இரு தினங்களும் கூடியிருந்தனர்.
நேற்று கப்பலேந்தி மாதாவின் சொருபத்தை அவதானித்த பக்தர்களும், நிர்வாகிகளும், நகைகள் திருடப்பட்டதை அவதானித்தனர். ஆலய குருமுதல்வருக்கு அறிவிக்கப்பட்டு, மருதங்கேணி பொலிஸ் நிலையத்திலும் முறைப்பாடு பதிவு செய்யப்ட்டுள்ளது. மருதங்கேணி பொலிஸார் மேலதிக விசாரணைகளை மேற்கொண்டு வருகின்றனர்.
