முல்லைத்தீவு முள்ளியவளையை சேர்ந்த கனேடிய காவல்துறை அதிகாரியான இளைஞன் ஒருவர் கனடா ஒட்டோவா மாகாணத்தில் இடம்பெற்ற உந்துருளி விபத்தில் உயிரிழந்துள்ளார்,
முல்லைத்தீவு முள்ளியவளை பிறப்பிடமாகவும் கனடா ஒட்டோவா மாகாணத்தில் ஒட்டோவா மாகாண காவல்துறை உத்தியோகத்தர் ஆக கடமையாற்றும் மதியழகன் விஜயாலயன் (வயது 28) என்ற இளைஞனே இவ்வாறு உயிரிழந்தவராவார்,
செவ்வாய்க்கிழமை இரவு உந்துருளி விபத்தில் உயிரிழந்ததாக ஒட்டாவா காவல்துறையினர் தெரிவிக்கின்றனர்,
இவர் அல்கோன்குயின் கல்லூரியில் காவல்துறைப் படிப்பை படித்த பிறகு நவம்பர் 2020 இல் ஒட்டாவா காவல்துறை சேவையில் பணியமர்த்தப்பட்டார் என்று தகவல்கள் தெரிவிக்கின்றன.
கனேடிய இராணுவத்தில் பல வருடங்கள் பணியாற்றி இரண்டு வருடங்களுக்கு முன்னர் காவல்துறை சேவையில் சேர்ந்தார் என அங்கிருந்து வரும் தகவல்கள் தெரிவிக்கின்றன.
புதன்கிழமை அனைத்து ஒட்டாவ காவல்துறை கட்டிடங்களிலும் கொடிகள் அரைக்கம்பத்தில் வைக்கப்பட்டன என்பது குறிப்பிடத்தக்கது,
குறித்த இளைஞனின் இழப்பானது அனைவருக்கும் பெரும் சோகத்தை ஏற்படுத்தியுள்ளது,
