மன்னார் நொச்சிக்குளம் பகுதியில், இன்று வெள்ளிக்கிழமை காலை இடம்பெற்ற வாள்வெட்டுச் சம்பவத்தில், சகோதரர் இருவர் உயிரிழந்துள்ளனர்.
இரண்டு தரப்பினருக்கு இடையில் மாட்டுவண்டி சவாரியில் ஏற்பட்ட முறுகல், வாள்வெட்டில் முடிவடைந்ததாக, முதற்கட்ட தகவல் வெளியாகியுள்ளது.
சம்பவத்தில் படுகாயமடைந்த 4 பேர், மன்னார் பொது வைத்தியசாலையில் அனுமதிக்கப்பட்டனர்.
உயிரிழந்தவர்கள், உயிலங்குளம் பகுதியைச் சேர்ந்த சகோதரர்கள் இருவர் என தெரியவந்துள்ளது.
இந்த நிலையில், சடலங்கள், மன்னார் பொது வைத்தியசாலையில் வைக்கப்பட்டுள்ளன.
சம்பவம் தொடர்பில் மன்னார் காவல்துறையினர் விசாரணைகளை ஆரம்பித்துள்ளனர்.
