தற்போது காணப்படும் பருவகால மாற்றங்கள் கவனிக்கப்படாதுவிட்டால் 2030ஆம் ஆண்டுக்குள் ஒவ்வோர் ஆண்டும் 560 என்கிற அளவில் உலக நாடுகள் பேரழிவுகளை நோக்கிச் செல்ல வேண்டிய நிலை ஏற்படும் என ஐ.நா. கடும் எச்சரிக்கை விடுத்துள்ளது.
உலகில் மனிதர்களின் செயற்பாடு களால் காபனீரொட்சைட் எனப் படும் கரியமில வாயு வெளியேற்றம் அதிகரித்துள்ளது. இதனால், பூமியின் வெப்பநிலையும் அதிகரித்துள்ளது.
பூமியின் வெப்பநிலை அதிகரிப்பது, பனிப்பாறைகள் உருகுவது போன்ற வற்றால் ஏற்படக்கூடிய பருவகால மாற்றம் பேரழிவுகளை ஏற்படுத்து கிறது என விஞ்ஞானிகள் அவ்வப்போது எச்சரிக்கை விடுத்து வருகின்றனர்.
ஆனால், அதனை மனித சமூகம் கண்டும் காணாமற்போய் கொண்டிருக்கிறது.
கடந்த 2018ஆம் ஆண்டில் ஐ.நா. பருவநிலை மாற்ற அறிவியல் குழு பட்டியல் ஒன்றை வெளியிட்டது. அதில் உற்பத்தி நிலையங்கள், தொழிற்சாலைகள், வாகனங்கள் மற்றும் விவசாயம் மூலம் வெளியாகும் பூமியை வெப்பமாக்கும் வாயுக்களை 2030 ஆம் ஆண்டுக்குள் பாதியாக குறைக்க வேண்டும் எனக் கூறப்பட்டுள் ளது.
2030ஆம் ஆண்டில் தீவிர வெப்ப அலைகளின் எண்ணிக்கையானது, 2001ஆம் ஆண்டில் இருந்ததுபோல் 3 மடங்கு இருக்கும். 30 சத வீதம் அதிக வறட்சி நிலையும் காணப் படும். இயற்கைப் பேரிடர்கள் மட்டு மன்றி கொரோனாப் பெருந்தொற்று, பொருளாதாரச் சரிவு மற்றும் உணவுப் பற்றாக்குறை ஆகிய அனைத்தும் இந்தப் பருவகால மாற்ற எதிரொலியாக நடைபெறும் என்று அறிக்கை தெரிவித்துள்ளது.
இந்தப் பேரழிவுகளைத் தடுத்து நிறுத்து வதற்கான பணியில் மக்களும் முனைப்பு காட்டவேண்டும். அவ்வாறில்லை எனில், பேரழிவுகளின் விளைவுகளை எதிர்கொள்ள முடியாத அளவுக்குச் சென்று விடும் என்று அந்த அறிக்கை மேலும் தெரிவிக்கப்பட்டுள்ளது.
