யாழ். தெல்லிப்பழை மகாஜனக் கல்லூரிக்கருகில் நேற்று திங்கட்கிழமை இடம்பெற்ற உந்துருளி விபத்தில் இளைஞர் ஒருவர் உயிரிழந்துள்ளார்.
நேற்றிரவு இளவாலை நோக்கி பயணித்த உந்துருளி, கட்டுப்பாட்டை இழந்து வீதியை விட்டு விலகி விபத்துக்குள்ளாகியுள்ளது.
சம்பவத்தில் உந்துருளி ஓட்டுனரான மாவிட்டபுரம் பகுதியைச் சேர்ந்த குணசேகரன் நிக்சன்(வயது 22) இளைஞன் உயிரிழந்துள்ளதுடன், சைக்கிளில் பயணித்த ரவிகரன் கனிஸ்டன் (வயது 20) இளைஞர் படுகாயமடைந்த நிலையில் மேலதிக சிகிச்சைகளுக்காக யாழ். போதனா வைத்தியசாலைக்கு மாற்றப்பட்டுள்ளார்.
உயிழந்த இளைஞர் தனது 22 ஆவது பிறந்த தினத்தன்றே உயிரிந்துள்ளமை பெரும் துயரத்தை ஏற்படுத்தியுள்ளது.
தெல்லிப்பழை காவல்துறையினர் சம்பவம் தொடர்பான மேலதிக விசாரணைகளை ஆரம்பித்துள்ளனர்.
