நெதர்லாந்தில் 24-04-2022 ஞாயிறு தாயகத்தாய் அன்னை பூபதியினதும் நாட்டுப்பற்றாளர்களினதும் நினைவு வணக்க நிகழ்வு அல்மேர பிரதேசத்தில் மிகவும் எழுச்சியுடன் நினைவுகூரப்பட்டது. சுமார் 17.00 மணியளவில் ஆரம்பிக்கப்பட்ட இந்நிகழ்வு பொதுச்சுடரேற்றல், தேசியக் கொடியேற்றல், மலர்வணக்கம், அகவணக்கம் ஆகிய ஆரம்ப நிகழ்வுகளைத் தொடர்ந்து தாயகத்தாய் அன்னை பூபதியினது நினைவுரை, நினைவுக் கவிதைகள் என்பன இடம்பெற்றது.
மக்கள் கலந்துகொண்டு உணர்வுபூர்வமாக வணக்கம் செலுத்திய இந் நிகழ்வு இறுதியில் எமது தாரக மந்திரமாம் தமிழரின் தாகம் தமிழீழத்தாயகம் என்ற உரிமைக்குரலுடன் இனிதே நிறைவெய்தியது.
