பாதுகாப்பற்ற புகையிரதக் கடவையைக் கடக்க முயன்றவரை தொடருந்து மோதியதில் ஒருவர் ஸ்தலத்திலேயே பலியானார். இந்தச் சம்பவம் நேற்றிரவு 8.45 மணியளவில் யாழ்ப்பாணத்தின் மல்லாகம் கோட்டைக்காடு பகுதியில் இடம்பெற்றது.
இதில் இதே இடத்தைச் சேர்ந்த 4 பிள்ளைகளின் தந்தையான ஜோசப் ஜெயராசா (வயது -62) என்பவரே உயிரிழந்தார். சடலம் பிரேத பரிசோதனைகளுக்காக யாழ்ப்பாணம் போதனா வைத்தியசாலையில் ஒப்படைக்கப்பட்டது. இந்த விபத்துக் குறித்து சுன்னாகம் பொலிஸார் மேலதிக விசாரணைகளை நடத்தி வருகின்றனர்.
