இதுகுறித்து ரஷ்ய பாதுகாப்பு இன்று திங்கட்கிழமை கூறும்போது:-
உக்ரைனிலிருந்து ரஷ்யாவுக்கு எல்லை தாண்டி நுழைந்த உக்ரைனியப் படைகள் ரஷ்யாவின் வேவுக் குழு தடுத்ததாகவும் இச்சம்பவத்தில் ஐந்து உக்கரைன் படையினர் கொல்லப்பட்டுள்ளதாக தெரிவிக்கப்பட்டுள்ளது.
ரஷ்யாவின் தென்மேற்கு ரோஸ்டோவ் பகுதியில் உள்ள மித்யாகின்ஸ்காயா கிராமத்திற்கு அருகில் உள்ளூர் நேரப்படி 6:00 மணிக்கு நடந்ததாகக் கூறப்படுகிறது.
இக்குற்றச்சாட்டை உக்ரைன் மறுத்துள்ளது. இது போலிச் செய்தி என்று நிராகரித்துள்ளது உக்ரைன்.
உக்ரைனின் உள்துறை அமைச்சக அதிகாரி அன்டன் ஜெராஷ்சென்கோ செய்தியாளர்களிடம் கூறுகையில், “எங்கள் வீரர்கள் ஒருவர் கூட ரஷ்ய கூட்டமைப்பின் எல்லையை கடக்கவில்லை, இன்று ஒருவர் கூட கொல்லப்படவில்லை என்றார்.
இத்தாக்குதலால் இரு நாட்டு எல்லையில் பதற்றம் ஏற்பட்டுள்ளது.
இன்று திங்கட்கிழமை காலை 9 மணியளவில் உக்ரைன் பிரதேசத்திலிருந்து ஏவப்பட்ட எறிகணை ரஷ்யாவின் ரஷ்யாவின் ரோஸ்டோவ் பிராந்தியத்தில் அமைந்துள்ள காவலரணை நிலையத்தை முற்றிலுமாக அழித்துவிட்டது. எனினும் எவரும் உயிரிழக்கவில்லை என்றும் அந்த நேரம் அந்த இடத்தில் இரண்டு இராணுவ பொறியிலாளர்கள் வேலை செய்கிறார்கள் என்று ரஷ்யா எப்.எஸ்.பி பாதுகாப்பச் சேவை அறிவித்துள்ளது.
இச்சம்பவத்தை உக்ரைன் பொறுப்பேற்கவில்லை.
