ஜேர்மனி, பிரான்ஸ், பிரித்தானியா உள்ளிட்ட நாடுகளில் கடும் புயல்!

ஜேர்மனியில் கடும் புயல் காற்றுடன்
கூடிய காலநிலை காரணமாக நாட்டின்
வட பகுதியில் வீதி மற்றும் ரயில் போக்குவரத்துகள் பாதிக்கப்பட்டுள்ளன.
விமான சேவைகளிலும் தாமதங்கள் ஏற்
பட்டிருக்கின்றன.பிரான்ஸிலும் இங்கிலா
ந்திலும் ஆங்கிலக் கால்வாயை அண்டிய
பிரதேசங்களை கடும் புயல் தாக்க வாய்ப்
புள்ளது என அறிவிக்கப்பட்டிருக்கிறது.

ஜேர்மனியில் நாட்டின் North Rhine-West
phalia, Mecklenburg-Western Pomerania பிரதேசங்களையே புயல் அதிக அளவில் பாதித்துள்ளது. முழுமையான சேதவிவ
ரங்கள் இன்னமும் தெரியவரவில்லை. காரின் மீது மரம் முறிந்து வீழ்ந்த சம்பவ
ங்களில் இருவர் உயிரிழந்துள்ளனர்.
சேதக் காட்சிகளைப் பலரும் சமூகவலை
த் தளங்களில் பகிர்ந்துவருகின்றனர். பேர்ளின் தீயணைப்புச் சேவையினர் அவசரகால அனர்த்த நிலையை அறிவித்
திருக்கின்றனர்.

“இலேனியா” (Ylenia) எனப்படும் புயல்
இன்று வியாழக்கிழமை காலை முதல்
மணிக்கு 152 கிலோ மீற்றர் என்ற வேகத் தில் ஜேர்மனியின் வடக்குப்பகுதிகளைத்
தாக்கியுள்ளது. தேசிய ரயில் சேவை நிறு
வனமாகிய டொச்ச பானின் (Deutsche Bahn) தகவலின்படி, பல பகுதிகளில்
பாதைகளில் மரங்கள் வீழ்ந்துள்ளதால்
ரயில் சேவைகள் நிறுத்தப்பட்டுள்ளன.
Bremen, Hamburg, Schleswig-Holstein, Mecklenburg-Western Pomerania, Berlin, Brandenburg பகுதிகளில் நீண்ட தூர ரயில்
மார்க்கங்கள் சேதமடைந்துள்ளதால் சேவைகள் இடைநிறுத்தப்பட்டுள்ளன.

சனிக்கிழமை வரை இந்த நிலை நீடிக்கும் என்று எதிர்பார்க்கப்படுகிறது.இக்காலப்
பகுதியில் பயணங்களைச் செய்யப் பயணச் சீட்டுகளை வாங்கியவர்கள்
அவற்றைப் பெப்ரவரி 26 ஆம் திகதி வரை பயன்படுத்த முடியும் என்றும் அல்
லது கட்டணம் மீளளிக்கப்படும் எனவும்
டொச்ச பான் (Deutsche Bahn) அறிவித்துள்
ளது.

சீரற்ற காலநிலை காரணமாக Lufthansa
நிறுவனம் 20 வான் சேவைகளை நிறுத்தி
யுள்ளது. வழமையான சேவை நேரங்களி
லும் தாமதங்கள் ஏற்படும் என்று தெரிவி
த்துள்ளது.

🔴கப்பலை உடைத்து
உள்நுழைந்தது பேரலை!

ஹம்பேர்க் துறைமுகப் பகுதியில் பயணி
கள் போக்குவரத்துக் கப்பல் ஒன்றைக் கடும் புயல் அலை தாக்கியுள்ளது. “Tollerort” என்ற கப்பலின் முன் பக்கத்தை
தாக்கிய புயல் அலை கண்ணாடிகளை
நொறுக்கியவாறு உள்நுழைந்த காட்சி
களைத் தொலைக்காட்சிகள் ஒளிபரப்பி
யுள்ளன. பயணிகள் எவருக்கும் ஆபத்து
ஏற்படவில்லை.

இதேவேளை, பிரான்ஸின் வடக்குப் பகுதிகளையும் (Hauts-de-France, Normandy) இங்கிலாந்தின் ஆங்கிலக்
கால்வாய் பிரதேசங்களையும்”ஈயூநிஸ்”
(Eunice) என்ற கடும் புயல் வெள்ளிக்
கிழமை தாக்கக் கூடும் என்று எதிர்பார்க் கப்படுகிறது. இதனால் இங்கிலாந்தின் தென்மேற்குப் பகுதிகளில் சிவப்பு எச்சரிக்கை விடுக்கப்பட்டிருக்கிறது.

டென்மார்க்கின் தெற்குப் பகுதிகளான
South Jutland, Funen, South Zealand, Lolland-Falster and Bornholm பகுதிகளை
வெள்ளிக் கிழமை இரவு மற்றொரு புயல்
தாக்கும் என்றும் அறிவிக்கப்பட்டிருக்கிறது.

குமாரதாஸன். பாரிஸ்.
17-02-2022