பிரான்சு சோதியா கலைக் கல்லூரியின் நத்தார் விழா 2021 அதன் பிரதான மண்டபத்தில் ஞாயிற்றுக்கிழமை மாலை இடம்பெற்றது.
கல்லூரியின் பிரதம நிர்வாகி திரு.செல்வகுமார் அவர்களின் தலைமையில் இடம்பெற்ற இந்நிகழ்வினை துணை நிர்வாகி திருமதி சிவானி அவர்கள் மெழுகுவர்த்தி ஏற்றி ஆரம்பித்துவைத்தார்.
தொடர்ந்து ஆரம்ப உரையாற்றிய பிரதம நிர்வாகி அவர்கள் தனது உரையில், இன்று உலெகெங்கும் இயல்பு நிலையை பாதித்துள்ள கோவிட் தொற்றுக்காரணமாக குறித்த நிகழ்வை மட்டுப்படுத்தப்பட்டவர்களோடு நடாத்தும் நிலை ஏற்பட்டதாகவும், இயல்புநிலை திரும்புமிடத்து மிகவும் சிறப்பாக நிகழ்வுகளை நடாத்தத் தாம் எதிர்பார்த்திருப்பதாகவும் தெரிவித்திருந்தார்.
தொடர்ந்து மாணவர்களின் கலை நிகழ்வுகளுடன் ஆசிரியர்களின் சார்பிலான உரையும் இடம்பெற்றதுடன் நத்தார் தாத்தா அனைவருக்கும் இனிப்புகளை வழங்கி மகிழ்வித்தார்.
அடுத்து நிகழ்வில் நத்தார் கீதங்கள் இசைக்க கலந்துகொண்ட அனைவரும் சிற்றுண்டி, தேநீர் அருந்தி கலந்துரையாடி மகிழ்ந்துசென்றனர்.
