கால்வாய் ஒன்றில் மீன் பிடித்துக் கொண்டிருந்த சிறுவர்களின் தூண்டிலில் வெடிகுண்டு ஒன்று சிக்கியுள்ளது. யாழ்ப்பாணம் மடம் வீதியில் உள்ள கால்வாய் ஒன்றிலேயே இந்த வெடிகுண்டு சிக்கியுள்ளது.
சிறுவர்கள் மீன் பிடித்துக் கொண்டிருந்தபோது சிறுவர்களின் தூண்டிலில் பை ஒன்று அகப்பட்டுள்ளது. சிறுவர்கள் பையை எடுத்துப் பார்த்தபோது, அதற்குள் துருப்பிடித்த நிலையில் வெடிகுண்டு ஒன்று காணப்பட்டுள்ளது.
இது தொடர்பில் யாழ்ப்பாணம் காவல்துறையினருக்குத் தகவல் தெரிவிக்கப்பட்டது. காவல்துறையினர் சம்பவ இடத்துக்குச் சென்று விசாரணைகளை மேற்கொண்டதுடன், நீதிமன்ற அனுமதி பெற்று வெடிகுண்டைச் செயலிழக்கச் செய்வதற்கான நடவடிக்கைகளை மேற்கொண்டுள்ளனர்.
