யாழ்ப்பாணத்தில் பல லட்சம் ரூபா நகைகளைக் கண்டெடுத்த இளைஞர் அதை உரியவர்களிடம் சேர்ப்பித்துள்ளார். அரியாலையைச் சேர்ந்த இளைஞரின் இந்தச் செயலுக்குப் பலரும் சமூக வலைத் தளங்களில் பாராட்டுக்களைத் தெரிவித்து வருகின்றனர்.
கடந்த 9ஆம் தகிதி அரியாலையில் பஸ் ஏறிய ஒருவர் அவசரத்தில் தன் கைப்பையைத் தவறவிட்டுள்ளார். அந்தக் கைப்பைக்குள் தாலிக் கொடி உட்பட நகைகளும், வேறு பொருள்களும் இருந்துள்ளன.
அந்தக் கைப்பையை யாழ்ப்பாணம், அரியாலையைச் சேர்ந்த 22 வயதான தியானேஸ் மதுசன் என்பவர் கண்டெடுத்துள்ளார். கைப்பையை ஆராய்ந்த அவர், அதற்குள் இருந்த தொலைபேசியின் இலக்கத்துக்குத் தொடர்பு கொண்டு விடயத்தைத் தெரிவித்துள்ளார்.
கைப்பைக்கு உரியவரின் அறிவுறுத்தலுக்கு அமைய யாழ்ப்பாணத்தில் உள்ள உறவினர்களிடம் அந்தக் கைப்பையைக் கொண்டு சென்று ஒப்படைத்துள்ளார்.
அவரின் நேர்மையான செயலுக்கு பலரும் சமூக வலைத்தளங்களில் பாராட்டுத் தெரிவித்து வருகின்றனர்.
(நன்றி: உதயன்)
