மன்னார் மாவட்டத்தில் கடந்த சில தினங்களாக பெய்து வரும் கடும் மழை காரணமாகவும் , நேற்று முன் தினம் திங்கட்கிழமை மாலை முதல் பெய்த மழை காரணமாகவும் மாவட்டத்தின் பல பாகங்களிலும் மழை நீர் சூழ்ந்துள்ளதோடு , மக்களின் வீடுகளிலும் மழை நீர் புகுந்துள்ளது .
இதனால் மன்னார் பிரதேச செயலாளர் பிரிவில் உள்ள பல கிராம மக்கள் பல்வேறு அசௌகரியங்களுக்கு முகம் கொடுத்துள்ளனர் . மன்னார் மூர் வீதி , உப்புக்குளம் , பள்ளிமுனை , சாந்திபுரம் , சௌத்பார் , பனங்கட்டுகொட்டு , எமில் நகர் உள்ளிட்ட கிராமங்களில் உள்ள பல வீடுகளுக்குள் மழை வெள்ளம் புகுந்துள்ளது . இதனால் குறித்த வீடுகளில் உள்ள மக்கள் பல்வேறு அசௌகரி யங்களுக்கு முகம் கொடுத்து வரும் நிலையில் , அதிகாரிகள் யாரும் தமது பகுதிக்கு வருகை தரவில்லை என பாதிக்கப்பட்ட மக்கள் தெரிவித்தனர் .
மேலும் மன்னார் நகர சபைக்குட்பட்ட பகுதிகளில் உள்ள கழிவு நீர் வடிகால் மற்றும் புதிதாக கிரவல் பரவப்பட்டு அமைக்கப்பட்டு வரும் தற்காலிக வீதிகள் உரிய முறையில் செப்பனிடப்படாமை யினால் மழை நீரை வெளியேற்ற முடியாத நிலை காணப்படுவதா கவும் பாதிக்கப்பட்ட மக்கள் கூறினர் .
