இலங்கையில் பாராளுமன்றத் தேர்தலை முன்னிட்டு அங்கு வன்முறைகள் இடம்பெறலாம் என்று அமெரிக்கா எச்சரிக்கை விடுத்துள்ளது.
இலங்கைக்குச் செல்லும், இலங்கையில் வதியும் தமது நாட்டுக் குடிமக்கள் இத்த கைய தேர்தல் வன்முறைகள் குறித்து அவதானமாக இருக்குமாறு அமெரிக்க இராஜாங்கத் திணைக்களம் மேற்படி எச்சரிக்கையை விடுத்துள்ளது.
உள்ளூர் ஊடகங்களை அமெரிக்க குடிமக்கள் தொடர்ச்சியாக கண்காணித்து வர வேண்டும் என்றும் கோரப்பட்டுள்ளது.
அமைதியான முறையில் நடக்கின்ற பேரணிகள் மற்றும் ஆர்ப்பாட்டங்கள் வன்முறையாகத் திரும்பும் என்பதால், இத்தகைய பேரணிகள், போராட்டங்களில் பங்கேற்பதை தவிர்த்துக் கொள்ளுமாறும் அமெரிக்கா கேட்டுள்ளது.
இலங்கையில் தேர்தல் வன்முறைகள் இடம்பெறலாம் என்று ஏற்கனவே, அவுஸ்திரேலியா உள்ளிட்ட நாடுகள் எச்சரிக்கை விடுத்திருப்பது குறிப்பிடத்தக்கது.
