அகில இலங்கை தமிழ் காங்கிரஸின் தேசிய பட்டியல் பாரளுமன்ற உறுப்பினரும் தமிழ்த்தேசிய மக்கள் முன்னணியின் செயலாளருமான செல்வராஜா கஜேந்திரனுக்கு கொரோனாத் தொற்று உறுதி செய்யப்பட்டுள்ளது.
நேற்று அவருக்கு மேற்கொள்ளப்பட்ட பரிசோதனையின்போதே அவருக்குத் தொற்று உறுதி செய்யப்பட்டுள்ளது.
கொரோனாத் தொற்று உறுதி செய்யப்பட்ட தகவலை அவரே இன்று காலை தனது முகப்புத்தகத்தில் உறுதிபடுத்தியுள்ளார்.
இந்த வாரம் இடம்பெற்ற பாராளுமன்ற கூட்டத்தொடரில் அவர் பங்கேற்று இருந்தமையும் குறிப்பிடத்தக்கது.
அவர் நலம்பெற்றுவந்து மீண்டும் தமிழ்த் தேசியப் பயணத்தில் வீறுநடை போடவேண்டும் என இறைவனைப் பிரார்த்தித்துப் பலரும் தமது கருத்துக்களைப் பகிர்ந்து வருகின்றமை குறிப்பிடத்தக்கது.
