பிரான்சில் தியாக தீபம் லெப்.கேணல் திலீபன் அவர்களின் நினைவுத்தூபி அமைந்துள்ள ஆர்ஜொந்தைப் பகுதியில் தியாக தீபம் திலீபன் அவர்களின் 34 ஆம் ஆண்டு நினைவு வணக்கத்தின் 11 ம் நாள் நிகழ்வுகள் இன்று (25.09.2021) சனிக்கிழமை உணர்வோடு இடம்பெற்றன.

ஆர்ஜொந்தை தமிழ்ச்சங்கத்தின் ஏற்பாட்டில் இடம்பெற்ற இந்நிகழ்வில் காலை 10 மணியளவில் சுடர் ஏற்றி மலர்தூவி அகவணக்கம் செலுத்தப்பட்டது.

தொடர்ந்து 12 நாட்களும் குறித்த நினைவேந்தல் இடம்பெறுகின்றமை குறிப்பிடத்தக்கது.

நாளை இறுதி நாளான 26.09.2021 ஞாயிற்றுக்கிழமை காலை 10 மணிக்கு சுடர்ஏற்றி மலர்வணக்கம் செலுத்தப்பட்டு அடையாள உணவு தவிர்ப்பு போராட்டம் இடம்பெறவுள்ளது.

தொடர்ந்து பி.ப.14.00 மணிக்கு கேணல் சங்கர் அவர்களின் 20 ஆவது ஆண்டு மற்றும் தியாக தீபம் லெப்.கேணல் திலீபன் அவர்களின் 34 ஆம் ஆண்டு நினைவெழுச்சி நிகழ்வுகள் இடம்பெறுவுள்ளன.