யாழ்ப்பாணம் குருநகர் பகுதியில் தூக்கில் தொங்கிய நிலையில் ஆணொருவரின் சடலம் மீட்கப்பட்டுள்ளது.குருநகர் தொழில்நுட்ப கல்லூரிக்கு அருகில் உள்ள வீடொன்றிலிருந்தே தூக்கில் தொங்கிய நிலையிலேயே இன்று மதியம் குறித்த சடலம் மீட்கப்பட்டுள்ளது.
சடலமாக மீட்கப்பட்டவர் நான்கு பிள்ளைகளின் தந்தையான அந்தோனிறோமான்(வயது 55) என அடையாளம் காணப்பட்டுள்ளார்.
சம்பவம் குறித்து தெரியவருவதாவது,
இன்று மதியம் வீட்டிலுள்ளவர்கள் வெளியில் சென்றவேளை குறித்த சம்பவம் நிகழ்ந்துள்ளது.
காலையில் எம்முடன் பேசும் போது நன்றாகவே இருந்தார். நாங்கள் இன்று மதியம் வெளியில் சென்றுவிட்டு வீட்டிற்கு வந்து பார்க்கும் போது தொங்கிய நிலையில் இருந்தாகவும் உறவினர்கள் தெரிவித்துள்ளனர்.
மேலும் குறித்தவர் யாழ். மாநகர சபையின் சுகாதார தொழிலாளியாக கடமையாற்றி வந்துள்ளார். எனினும் கடந்த ஒரு வருடமாக புற்றுநோயால் பாதிக்கப்பட்டுள்ளவர் என்றும் உறவினர்கள் தெரிவித்துள்ளனர்.
யாழ்ப்பாண பொலிஸார் மேலதிக விசாரணைகளை மேற்கொண்டு வருகின்றனர்.
