திருகோணமலை – கப்பல்துறை பகுதியில் தந்தையின் வாள் வெட்டுக்கு இலக்கான 6 மாத குழந்தை உயிரிழந்துள்ளது.
குடும்பத் தகராறின் காரணமாக இடம்பெற்ற இந்த சம்பவத்தில் உயிரிழந்த குழந்தையின் தாத்தா மற்றும் பாட்டி படுகாயமடைந்து மருத்துவமனையில் சிகிச்சை பெற்று வருவதாக சீனக்குடா பொலிஸ் நிலையப் பொறுப்பதிகாரி தெரிவித்தார்.
இது தொடர்பில் பொலிஸ் நிலைய பொறுப்பதிகாரி தெரிவித்ததாவது,
சீனக்குடா பொலிஸ் பிரிவுக்குட்பட்ட கப்பல்துறை பகுதியில் நேற்று (19) சனிக்கிழமை குடும்ப தகராறின் காரணமாக இடம்பெற்ற இந்த மோதல் தொடர்பில் கிடைக்கப்பெற்ற தகவலுக்கமைய விசாரணைகள் ஆரம்பிக்கப்பட்டன.
சம்பவத்தின்போது தக்க்ஷன் என்ற 6 மாத ஆண் குழந்தையே உயிரிழந்துள்ளது. இந்த குழந்தையின் தாத்தாவான 47 வயதுடை பெர்ணான்டோ குமார் மற்றும் பாட்டியான 43 வயதுடைய முத்துமாரி என்பவரும் படுகாயமடைந்துள்ளனர்.
காயமடைந்த இருவரும் மருத்துவமனையில் சிகிச்சை பெற்று வருகின்றனர். சம்பவம் தொடர்பில் விசாரணைகளை முன்னெடுத்துவரும் சீனக்குடா பொலிஸார் தப்பிச் சென்றுள்ள சந்தேக நபரை கைது செய்வதற்கான நடவடிக்கைகளும் முன்னெடுத்துள்ளனர்.
