மாமனின் தாக்குதலுக்கு இலக்கான மருமகன் உயிரிழந்த சம்பவம் கிளிநொச்சி – மயில்வாகனபுரம் பகுதியில் நேற்று வியாழக்கிழமை மாலை இடம்பெற்றிருக்கிறது.
நேற்று மாலை 4.30 மணியளவில் மாமன் – மருமகன் இடையில் வாய்த்தர்க்கம் உருவாகியுள்ளது. இதனையடுத்து மருமகன் மீது மாமன் தாக்குதல் நடத்தியுள்ளார்.
சம்பவத்தையடுத்து படுகாயமடைந்த மருமகன் கிளிநொச்சி வைத்தியசாலையில் அனுமதிக்கப்பட்டிருந்த நிலையில் சிகிச்சை பலனின்றி உயிரிழந்துள்ளார்.
உயிரிழந்தவரின் சடலம் கிளிநொச்சி வைத்தியசாலையில் வைக்கப்பட்டுள்ளது. சம்பவத்தடன் தொடர்புடையவர்கள் எனும் சந்தேகத்தின் பேரில் உயிரிழந்தவரின் மனைவி மற்றும் மாமனாரும்
கைது செய்யப்பட்டுள்ளனர். சம்பவத்தில் பெருமாள் ரவிச்சந்திரன் (வயது 36) என்பவரே உயிரிழந்துள்ளார்.
சம்பவம் தொடர்பான விசாரணைகளை தருமபுரம் பொலிஸார் மேற்கொண்டு வருகின்றனர்.
