நேற்று யாழ் பல்கலைக்கழக மாணவர்கள் இருவர் நீரில் மூழ்கி உயிரிழந்துள்ளார்கள். இந்த விடயம் தொடர்பாக மேலும் தெரியவருவதாவது நேற்று காலை யாழ்ப்பாண பல்கலைக்கழக வணிகபீட மாணவர்கள் விசுவமடுவுக்கு சுற்றுலா சென்றனர்.
நேற்றுமதியம் அங்கு விசுவமடு குளத்தில் எல்லோரும் நீராடிய பொழுது ஒரு மாணவர் தவறுதலாக நீர் பாய்கின்ற பகுதிக்குள் சென்று நீரில் மூழ்கிய பொழுது மற்றைய மாணவன் அந்த மாணவனை காப்பாற்ற சென்றபோது அவரும் சேர்ந்து நீரில் மூழ்கியுள்ளதாக தெரிவிக்கப்படுகிறது.
இதன்போது உயிரிழந்தவர்கள் வவுனியாவினை சேர்ந்த மகாலிங்கம் குமுதன் மற்றும் நெடுங்கேணியினை சேர்ந்த கஜிதன் ஆகிய மாணவர்களே உயிரிழந்தவர்களாவர்.
இந்த விபத்து தொடர்பான விசாரணைகளை கிளிநொச்சி போலீசார் மேற்கொண்டு வருவதுடன். மீட்கப்பட்ட உடல்கள் தர்மபுரம் வைத்தியசாலைக்கு கொண்டு செல்லப்பட்டு தற்போது பிரேத பரிசோதனைக்காக கிளிநொச்சி மாவட்ட வைத்தியசாலைக்கு மாற்றப்பட்டுள்ளது.
