முல்லைத்தீவிலிருந்து வவுனியா நோக்கி வந்த கன்ரர் ரக வாகனம் மரத்துடன் மோதி விபத்துக்குள்ளானதில் அதில் பயணித்த இருவரும் ஸ்தலத்திலேயே பலியாகினர்.
வவுனியா நயினாமடு சந்தியில் வெள்ளிக்கிழமை மாலை இடம்பெற்ற இந்த விபத்தில் இதில் முல்லைத்தீவைச் சேர்ந்த முஹமது நிஜாஸ், புத்தளம் நுரைச்சோலையைச் சேர்ந்த ஏ.எச்.எம்.ரியாஸ் ஆகியோரே உயிரிழந்தவர்களாவர். முல்லைத்தீவிலிருந்து பலாப்பழங்களை ஏற்றிக்கொண்டு வவுனியா நோக்கி வந்த வாகனத்தின் சாரதி தூக்கத்தின் காரணமாக வீதியின் ஓரமாக இருந்த மரமொன்றில் மோதி வண்டி விபத்துக்குள்ளானதாக தெரிவிக்கப்படுகிறது. இதில் இருவரும் பலியாகினர். வாகனமும் கடும் சேதத்துக்குள்ளானது. விபத்துக் குறித்தது மேலதிக விசாரணைகளை நெடுங்கேணி பொலிஸார் மேற்கொண்டுள்ளனர்.
