அட்டாளைச்சேனை, ஆலங்குளம் பகுதியில் உழவு இயந்திரம் மோதியதில் 8 வயதுச் சிறுவன் உயிரிழந்துள்ளார்.
இன்று (30) காலை இந்த விபத்து இடம்பெற்றதாக காவல்துறையினர் கூறினர்.
ஆலம் குளம் ரஹ்மானியா வித்தியாலயத்தில் தரம் 3 இல் கல்வி கற்கும் அக்ஸான் எனும் மாணவனே உழவு இயந்திரத்தில் சிக்குண்டு அகால மரணமடைந்துள்ளார்.
சாரதிகளின் அவதானமின்மை கவலையேதுமில்லாமல் சிறகடித்துக்கொண்டிருந்த.ஒரு குழந்தையின் உயிரை பறித்துச்சென்றது இதன் வலியும் வேதனையும் முற்று முழுதாக இவரைப்பெற்றவர்களுக்கே புரியும் அதனை தம் குழந்தையாக நோக்குமிடத்து ஏனையோருக்கும் புரியும் என்று குறித்த மாணவனின் ஆசிரியர் ஒருவர் தெரிவித்துள்ளார்.
உயிரிழந்த சிறுவனின் சடலம் அக்கரைப்பற்று வைத்தியசாலைக்குக் கொண்டு செல்லப்பட்டுள்ளது.
பாடசாலைக்கு சென்றுகொண்டிருந்த 08 வயது சிறுவன் மீது உழவு இயந்திரம் மோதி விபத்து இடம்பெற்றுள்ளது.
விபத்தின் போது உழவு இயந்திரத்தை செலுத்திய இளைஞர் தலைமறைவாகியுள்ளதாக காவல்துறையினர் கூறினர்.
எனினும், உழவு இயந்திரத்தின் உரிமையாளர் கைது செய்யப்பட்டுள்ளார்.
சம்பவம் தொடர்பில் மேலதிக விசாரணைகளை அக்கரைப்பற்று காவல்துறையினர் மேற்கொண்டு வருகின்றனர்.
