இலங்கையில் அதிகரித்து வரும் நுண்நிதி கடன்களுக்கு எதிராக இன்று காலை மட்டக்களப்பு பதுளை வீதி கித்துள் கிராமத்தில் போராட்டம் ஒன்று முன்னெடுக்கப்பட்டுள்ளது .
கடந்த சில மாதங்களாக ஹிங்குராங்கொட பிரதேசத்தில் நுண்கடனால் பாதிக்கப்பட்ட சில பெண்கள் தொடர் உணவு தவிர்ப்புப் போராட்டத்தில் ஈடுபட்டு வருவதை அடுத்து அவர்களுக்கு வலுச்சேர்க்கும் முகமாக குறித்த ஆர்ப்பாட்டம் இன்று முன்னெடுக்கப்பட்டுள்ளது .
தேசிய மீனவ ஒத்துழைப்பு இயக்கம் மற்றும் மறுமலர்ச்சி பெண்கள் அமைப்பு சேர்ந்து கோப்பாவெளி, உறுகாமம், கித்துள் புல்லுமலை போன்ற பகுதியைச் சேர்ந்த பெண்களால் குறித்த ஆர்ப்பாட்டம் முன்னெடுக்கப்பட்டுள்ளதுடன் உடனடியாக நிறுத்த வேண்டும் என்று சிறிலங்கா அரசுக்குக் கோரிக்கை விடுத்துள்ளமை குறிப்பிடத்தக்கது.
