திருகோணமலை – நிலாவெளி கடலில் நீராடச் சென்ற யாழ்ப்பாணத்தைச் சேர்ந்த மாணவர்கள் இருவர் பலியாகியுள்ளனர்.
இச்சம்பவத்தில் உயிரிழந்தவர்கள் யாழ்ப்பாணம் – குப்பிளானைச் சேர்ந்த வயாவிளான் மத்திய கல்லூரி மாணவர்களான நவரஞ்சன் கௌதமன் (21-வயது), சிவச்சந்திரராசா சிந்துஜன் (21-வயது) என தெரியவந்துள்ளது.
சிவராத்திரி தினத்தை முன்னிட்டு யாழ்ப்பாணத்திலிருந்து திருகோணமலைக்கு உந்துருளிகளில் நண்பர்கள் சிலர் சென்றதாகவும் சமய வழிபாடுகளை முடித்துவிட்டு வீட்டுக்குச் செல்வதற்கு முன்னர் நிலாவெளி கடற்கரை பகுதிக்கு நீராடச் சென்றபோது இருவர் கடல் அலையில் இழுத்துச் செல்லப்பட்டதாகவும் தெரிவிக்கப்படுகிறது.
மேலதிக விசாரணைகளை திருகோணமலை காவல்துறையினர் மேற்கொண்டு வருகின்றனர்.
