கிளிநொச்சி ஏ9 வீதியில் இன்று (6) சனிக்கிழமை அதிகாலை இடம்பெற்ற வீதி விபத்தில் காவல்துறை உத்தியோகத்தர் ஒருவர் உயிரிழந்துள்ளார்.
பரந்தன் சந்தியை அண்மித்த விவசாய விதைப் பண்ணைக்கு முன்பாக குறித்த காவல்துறை உத்தியோகத்தர் பயணித்த உந்துருளி வீதியில் நின்ற மாட்டுடன் மோதியதில் இந்த விபத்து நேர்ந்துள்ளது.
இந்த விபத்தில் கிளிநொச்சி காவல் நிலையத்தில் கடமையாற்றும் காவல்துறை உத்தியோகத்தரான வடமராட்சியைச் சேர்ந்த மேரிஜாக்சன் அன்ரனி (வயது-30) என்பவரே இவ்வாறு உயிரிழந்துள்ளார்.
