மட்டக்களப்பு – ஓட்டமாவடி பிரதேச கிராமத்திற்குள் நேற்று (8) இரவு புகுந்த யானைகளினால் தென்னை மரங்கள் சேதமாக்கப்பட்டுள்ளதாக வாழைச்சேனை காவல்துறையினர் தெரிவித்தனர்.
ஓட்டமாவடி பாலத்திற்கு அருகில் உள்ள இரண்டு தனியாரின் காணிக்குள் இரவு புகுந்த மூன்று யானைகள் 12 தென்னை மரங்களை அடியோடு பிடுங்கி அழித்து நாசம் செய்துள்ளது.
குறித்த யானைகள் காவத்தமுனை வழியாக ஆற்றை கடந்து ஓட்டமாவடி பாலத்திற்கு அருகில் உள்ள தனியாரின் காணிக்குள் புகுந்து தென்னை மரங்கள் மற்றும் வேலிகளை துவம்சம் செய்துள்ளது.
