யாழ்ப்பாணம் அரியாலையில் தொடருந்து மோதி 42 வயதுடைய நபர் ஒருவர் உயிரிழந்தார்.
இன்று முற்பகல் அரியாலை நாவலடியில் இந்தச் சம்பவம் இடம்பெற்றுள்ளது.
உந்துருளியில் பயணித்த அவர், பாதுகாப்பற்ற கடவையை கடக்க முற்பட்ட போது, தொடருந்தில் மோதுண்டு விபத்துக்குள்ளானார் என தெரிவிக்கப்படுகிறது.
இந்த விபத்தில் 42 வயதுடைய அரியாலையைச் சேர்ந்த விஸ்வநாதன் பாலரூபன் என்பவரே உயிரிழந்தார்.
சம்பவம் தொடர்பில் யாழ்ப்பாணம் காவல்துறையினர் விசாரணைகளை முன்னெடுத்துள்ளனர்.
