கிளிநொச்சி – உருத்திரபுரம், உருத்திரபுரீஸ்வரர் ஆலயத்திலும் தொல்லியல் அடையாளம் இருப்பதாக தொல்லியல் திணைக்களம் அடையாளம் கண்டு ஆய்வு செய்வதாக அப்பகுதி மக்கள் தெரிவித்துள்ளனர்.
உருத்திரபுரீஸ்வரர் சிவன் ஆலயத்திற்கு அருகில் தொல்லியல் அடையாளங்கள் இருப்பதாகக் கூறி அகழ்வாராய்ச்சி மேற்கொள்வதற்கு நிதி ஒதுக்கப்பட்டுள்ளதாக தொல்லியல் திணைக்களத்தினர் அண்மையில் குறிப்பிட்டதாக அப்பகுதி மக்கள் தெரிவித்திருந்தனர்.
இந்நிலையில் நேற்றையதினம் (30) சனிக்கிழமை அப்பகுதிக்கு பௌத்த தேரர் ஒருவர் நண்பகல் வேளையில் வருகை தந்ததாகவும், அவர் சென்ற சில மணித்தியாலங்களின் பின்னர் அப்பகுதிக்கு காவல்துறையினர் வந்ததாகவும் பின்னர் மாலை வேளையில் இராணுவத்தினர் வந்து அவ்விடத்தை பார்த்துச் சென்றதாகவும் அப்பகுதி மக்கள் தெரிவித்துள்ளனர்.
(உதயன்)
